Sugod niadtong Lunes, mibayad na sa ₱34 hangtod ₱35 ang mga pasahero sa jeep nga mularga gikan Lumbia paingon sa sentro sa Cagayan de Oro.
Ang Lumbia Public Transport Cooperative (LPTC), pinaagi sa ilang presidente nga si Bong Arceo, nagklaro nga ang pagtaas mao ang resulta sa piso nga dugang pletehan nga gi-aprobar sa LTFRB tungod kay molapas sa 14 kilometros ang gilay-on sa ruta. \
Giingon usab nga obligado ang mga drayber nga ipakita ang bag-ong taripa aron malikayan ang panaglalis sa pasahero ug drayber.
Sa pagkakaron, nagpundok na ang kooperatiba sa mga dokumento aron dali makakuha sa opisyal nga taripa nga ipapilit sa sulod sa mga sakyanan.
Ang lakang gituohang makatabang sa klaro ug hapsay nga pagpatuman sa pamasahe sa ruta Lumbia–Cagayan de Oro.
