Gitin-aw sa Senate Impeachment Court nga ang mga pahayag ni kanhi Senador Antonio Trillanes sa gawas sa korte dili awtomatikong mahimong ebidensya batok ni Vice President Sara Duterte.
Gipasabot ni impeachment court spokesperson Regie Tongol nga ang desisyon sa mga senador-judge ibase lamang sa ebidensya ug testimonya nga pormal nga gipresentar sa impeachment tribunal.
Gitugotan gihapon ang prosecution panel nga tawgon si Trillanes isip testigo kung makita nila nga makapalig-on kini sa kaso.
Mahinumduman nga gipasagdan lang sa korte ang mga pahayag ni Trillanes o bisan kinsang indibidwal, ma abogado man o pulitiko, basta walay labot sa prosecution ug defense.
Gipangayo sa korte nga respetohon ang proseso ug gitugotan ang tanan nga makapahayag sa ilang opinyon tungod kay demokrasya man ang nasud. –
