Milihok na ang katawhan pinaagi sa pagtigom sa mga pirma batok sa paghari sa pipila ka pamilya sa politika.
Sumala ni Archdiocese of Cagayan de Oro Social Action Center Coordinator Bong Florendo, napugos sa paglihok ang publiko human gipasagdan sa mga politiko ang probisyon sa Konstitusyon batok sa political dynasty sulod sa halos 40 ka tuig.
Subay niini, nakig-alayon ang grupo nila ni Rev. Fr. Roger Gabac ug Archbishop Jose Cabantan aron awhagon ang publiko sa pagsuporta sa Dapat Isa Lang movement.
Gipangayo sa mga lider nga palig-onon ang panawagan aron mapugngan ang monopolyo sa gahum sa pipila ka pamilya. Ang kampanya nagtinguha nga masiguro ang patas nga partisipasyon sa politika ug mas lig-on nga demokrasya sa nasud.
