Si Vice President Sara Duterte lamang ang makapasabot kon ngano nga miabot sa 4.4 billion pesos ang natala nga financial transactions sa niini ug sa iyang bana nga si Atty. Manases Carpio nga wala nagpakita sa opisyal nga SALN.
Gipadayag ni House prosecution panel spokesperson Lanao del Sur Representative Zia Alonto Adiong ang gipagawas nga baruganan human gihan-ay ni Presiding Officer Senator Chiz Escudero ang datos gikan sa Anti-Money Laundering Council ug SALN declarations gikan sa tuig 2007 hangtod 2025.
Gisaysay sa opisyal nga bisan pa man kon gitin-aw sa AMLC nga gilangkuban sa mga pondo nga misulod ug migawas sa mga akawnt ang natala nga kantidad, kinahanglan gihapon nga hatagan og pormal nga pagpasabot ang dako nga kalahi-an niini kumpara sa gideklarar nga net worth.
Tungod sa gipahimutang nga rekord sa Bangko ug sa Komite, nagpabilin ang panawagan sa prosecution nga tubagon sa Bise Presidente ang mga pangutana bahin sa mga akawnt, deklarasyon, ug personal nga negosyo.
