Gipanghimakak ni Department of Public Works and Highways (DPWH) Secretary Vince Dizon ang report nga ilabay siya subli sa isip kalihim sa Department of Transportation (DOTr).
Nakurat si Dizon sa pagkatag sa balita ug diha-diha, iya kining gikorehi-an, ug gi-tratar ang impormasyon sa social media isip “fake news”.
Sa pakighinabi sa prensa, iyang gitataw nga walay “position swap” nga gipatuman ang administrasyong Marcos, gawas kung aduna nay dokumento nga mupamatuod nga siya ibalik sa iyang karaan nga trabaho.
Hisayran nga subay sa nagkatag nga social media post, si Dizon, gitakdang kambyuhan ni Acting DOTr Secretary Giovanni Lopez.
Hinoon, gitin-aw sa kalihim nga andam siya magserbisyo sa bisan unsang posisyon nga itugot sa gobyerno.
