Luwas na sa delikado nga kahimtang ang Santo Papa human mi-abiso ang The Holy See Press Office nga malampuson ang operasyon sa Pope Leo XIV.
Kagabie, nakabalik na siya sa iyang kuwarto human sa surgical procedure niadtong Oktubre 13, 2026. Subay sa pahayag sa opisyal sa Vatican City, nahuman ang operasyon sulod sa gilauman nga oras.
Gipasalig sa kadagkuan sa Vaticano nga ipahibalo ra ang publiko sa dugang detalye sa kondisyon sa panglawas sa santo-padre.
Sa pagkakaron, maoy gitutukan ang maayong pagbantay ug pag-atiman.
Hisayran nga maoy gitangtang ang ubos nga bahin (lower lobe) sa iyang tuo nga baga tungod sa nadiskubre nga pulmonary adenocarcinoma. Ang operasyon milungtad sa 90 minutos pinaagi sa team ni Dr. Stefano Margaritora, ang lead surgeon ug Dr. Luigi Carbone, ang personal physician sa Santo Papa.
