Gipamugos ni Vice President Sara Duterte nga dili siya mobiya sa iyang puwesto bisan pa sa nagpadayon nga impeachment trial batok kaniya.
Human sa iyang pagtambong sa 52nd Philippine Business Conference & Expo (PBC&E) nga gipahigayon sa Manila Hotel, gitataw sa bise presidente nga kanunay andam ang defense team aron siya panalipdan ug maghatud sa kamatuoran, taliwala nga gipangtagak na sa prosekusyon ang tolo ka mga artikulo sa impeachment, ug mupukos na sila sa gi-ingong “unexplained wealth” niini, kauban sa iyang kapikas nga si Atty Mans Carpio.
Mahinunduman nga makapila na gilitok ni VP Sara nga puro ra pamulitika ang mga kasong gipasaka kaniya aron dagmalan ug dautong ang iyang imahe sa pagserbisyo sa katawhan sa Pilipinas.
Hisayran nga gawas sa gi-atubang nga impeachment, midugang usab niini ang kaso nga gi-imbestigaran sa National Bureau of Investigation kalabot sa mga kabtangan nga wala gi-deklarar sa iyang Statement of Assets Liabilities and Networth o SALN.
