“I’m fine,” mao kini ang gipasigarbo ni Communications Undersecretary Claire Castro human siya miinom og tubig nga miagi sa water filtration system atol sa press briefing sa Malacañang niadtong Miyerkules.
Miingon si Castro nga maayo ang iyang kahimtang human sa pag-inom sa nasangpit nga tubig. Matod pa niya, walay miyembro sa Malacañang Press Corps nga misulay usab sa tubig ang naospital.
Alang kang Castro, nagpakita kini nga kasaligan ang water filtration project nga gipasiugdahan ni Presidente Ferdinand “Bongbong” Marcos Jr.
Iyang giawhag ang publiko nga mosalig sa maong proyekto base sa ilang kasinatian sa pagsulay sa nasangpit nga tubig. (jane abulag)
