Gitawag ni Senate President Win Gatchalian nga “buta” ang gobyerno sa pagpresyo sa mga produktong petrolyo tungod sa kakulang sa impormasyon bahin sa presyo nga gitakda sa mga pribadong kompanya sa lana.
Matod ni Gatchalian, kulang ang datos nga makuha sa gobyerno aron masubay ug masusi kung giunsa sa mga kompanya pagtakda ang presyo sa ilang mga produkto. Tungod niini, naglisod ang gobyerno sa pagtino kung makatarunganon ba ang mga pagbag-o sa presyo sa gasolina ug diesel.
Ang kakulang sa maong impormasyon nagpalisod usab sa gobyerno sa pagtimbang-timbang kung adunay igong basehan ang matag pagsaka o pag-ubos sa presyo sa lana.
Gipasiugda ni Gatchalian ang panginahanglan nga mapalapad ang access sa datos sa pagpresyo aron mas masubay sa gobyerno ang mga lihok sa mga kompanya ug mapanalipdan ang interes sa mga konsumidor. (jane abulag)
