Tataw nga pagpanghulga ug dili diplomatikong pahayag ang gibuhian ni Chinese Ambassador to the Philippines Jing Quan. Kini ang reaksiyon ni Rear Admiral Jay Tarriela, Spokesperson sa Philippine Coast Guard to the West Philippine Sea (WPS).
Subay sa iyang social media post, namugos ang opsiayl nga gipadayag ni Jing atubangan sa prensa sa Pilipinas nga mahimong paspas makadaug ang China kung gamit kini’g kusog batok sa nasud.
Nagpadumdum si Tarriela sa opisyal sa China nga gihatagan sa akreditasyon ug nagsilbing bisita sa Pilipinas si Jing, hinungdan nga nahatagan siya sa pasidungog nga angay ihatag sa usa ka diplomat.
Apan gumikan sa iyang bag-ong mga pahayag, dili na kini angay ipasidungog kaniya kay nakahimo na siya sa dakung kalapasan nga gihimo. Una niini, gipamugos sa opisyal sa PCG nga ang pagbutyag nga “makadaog” ang China batok sa Pilipinas dili batasan sa usa ka higala nga nasud apan, tataw nga hulga sa host country.
Gani, mikutlo pa si Tarriela sa balaod sa Article 2(4) sa UN Charter nga gidili ang paggamit sa kusog ug pagpanghulga sa managsilingang nasud.
Gitataw usab niini nga dili lang kini ang unang higayon nga milhulga ang China sa Pilipinas.
