Gipangayoan ni Senador Erwin Tulfo si Defense Secretary Gilberto “Gibo” Teodoro Jr. sa kongkretong lakang nga gi-andam sa Armed Forces of the Philippines (AFP) aron maprotektahan ang terirtoryo sa nasud, mga kasundalohan, ug mga katawhan taliwala sa nagpadayong tensiyon sa West Philippine Sea. Sa paghisgut sa badyet sa Department of National Defense alang sa tuig sa 2027, gipangutana ni Tulfo kung giunsa pagpangamdan sa mga militar batok sa mga posibleng hulga sa seguridad sa nasud.
Gipadayag usab sa Senador ang kabalaka nga anaa sa publiko tungod sa nauna na nga pahayag sa pipila ka opisyal sa posibleng pag-atake nga atubangon sa Pilipinas, lakip na niini ang paggamit og nuclear weapons.
Matud ni Tulfo, mahinungdanon nga matubag ang ingon niini nga mga kabalaka ug mahatagan og katin-awan ang publiko sa mga pagpangandam nga gipahigayon sa kagamhanan aron maprotektahan ang nasud batok sa posibleng hulga. (raniel mahunyag)
