Gipasiugda ni Senate President Sherwin Gatchalian ang panginahanglan sa padayong pagpakusog ug himoong moderno ang katakus sa Armed Forces of the Philippines (AFP) aron makadungan kini sa gabag-ong sitwasyon sa seguridad sa rehiyon ug sa tibuok kalibutan.
Sa paghisgut sa sugyot nga badyet sa Department of National Defense alang sa tuig sa 2027, gihatagan og gibug-aton ni Gatchalian ang kamahinungdanon sa pagpangandam sa mga modernong matang sa pakiggubat, lakip na niini ang cyber warfare.
Matud ni Gatchalian, importante nga dunay gikinahanglan nga gamit ug sistema ang mga militar aron mahimo silang andam sa posibleng hulga o kagubot.
Gawas sa pagprotekta sa nasud, mipahayag usab si Gatchalian nga mahinungdanong pakusgon sa AFP ang iyang katakus nga moaksyon sa panahon sa kalamidad, ilabi na sa pag-igo sa mga kusog nga bagyo ug uban pang mga lapad nga katalagman.
Tungod niini, gisuportahan ni Gatchalian ang paghatag og dugang katakus sa militar ug gipasiugda nga angayang magpadayon ang suporta sa modernisasyon niini aron maabot ang gikinahanglang lebel sa kaandam.(raniel mahunyag)
