Gisaway sa Alliance of Concerned Teachers ang gipagawas nga 2027 badyet tungod sa pagpabilin nga napondohan ang mga pork barrel ug mga proyekto nga wala naghatag og tinuod nga benepisyo sa katawhang Pilipino.
Gipadayag ni ACT Teachers Northern Mindanao Coordinator Roland Cruz nga kinahanglang magkahiusa ang tanan sa pagbantay ug pagkontra sa pundo nga nagsilbi lang sa pipila ka tawo sa kagamhanan.
Dugang pa sa opisyal, makapasubo nga imbes nga ibutang ang pundo sa serbisyo sa edukasyon ug panginahanglan sa publiko, giuna pa ang mga kwestyonableng alokasyon.
Busa, gipanawagan sa grupo sa national government ang pagpasa og tinuod, transparent, ug makatawo nga badyet nga mag-alagad alang sa kaayohan sa tanan.-
