Andam si United States President Donald Trump nga moapil sa usa ka panagtigom uban nila Chinese President Xi Jinping ug Russian President Vladimir Putin aron hisgotan ang pagpakunhod sa mga armas nukleyar.
Matod ni Trump, mahimong sentro sa maong panaghisgot ang pagwagtang sa mga armas nukleyar o denuclearization. Gihisgotan ang posibilidad nga ipahigayon ang maong tigom sa sidelines sa Asia-Pacific Economic Cooperation o APEC Summit sa China sa Nobyembre 2026.
Pinaagi sa maong tigom, gilaoman nga matuki sa tulo ka lider ang mga lakang aron mapakunhod ang hulga sa mga armas nukleyar.
Apan, wala pa makumpirma kung pinal na ang plano sa pagpatigayon sa maong trilateral meeting. (jane abulag)
