Gisaway sa Amihan National Federation of Peasant Women ang pagka-reactive sa gobyerno sa mga krisis sa nasud human balde lang ang solusyon nga nahuna-hunaan niini ug walay klarong plano alang sa mga sektor nga hingpit nga maapektohan.
Gipadayag ni AMIHAN Representative Cathy Estavillo nga bisan pa sa unang bahin nga pasidaan sa PAGASA sa Super El Niño, nagpabilin nga walay konkretong lakang ang Department of Agriculture nga nagresulta sa pagmahal sa pagkaon.
Tungod niini, nagpabilin nga nag-antos ang mga mag-uuma sa pagka-guba sa ilang mga pananom ug sa padayong pagtaas sa presyo sa mga palitonon.
Hinoon, nanawagan ang AMIHAN sa gilayon nga pagpa-resign ni Department of Agriculture Secretary Francisco Tiu Laurel Jr. tungod sa kapakyas sa paghatag og tinuod nga suporta sa lokal nga agrikultura.
