Ipakatag sa Phippine National Police ang mukabat sa 72,000 ka mga pulis isip kabahin sa ilang Oplan Undas. Ang pinakadaghang deployment ibubo sa Nobyembre 1 ug 2.
Namahayag si Allen Rae Co mao ang Chief, Public Information Office (PIO) nga ang deployment gitumong aron masiguro ang kaluwasan ug kahapsay sa pagbiyahe sa publiko nga mobisita sa mga sementeryo ug uban pang pampublikong lugar.
Pahugtan usab sa PNP ang seguridad sa mga terminal, pantalan, tugpahanan, ug dagkong karsada nga gilauman nga daghang molatasan sa katawhan.
Gilauman sa kapulisan ang dakong pagdagsa sa mga biyahero ug mga pamilyang moadto sa ilang mga mahal sa kinabuhi sa mga sam-ang.
Nanawagan ang PNP sa publiko nga magmatngon ug makigtambayayong sa mga otoridad aron masiguro ang malinawon ug luwas nga pag-obserbar sa kalag-kalag .
