Walay pili ug walay makapalusot maskin ang mga nagsakay sa chartered flights sa ipatuman nga hugot nga screening sa mga tugpahanan sa Rehiyon 10 alang sa umaabot nga kalag-kalag.
Namahayag si Aviation Security Unit Region 10 Assistant Regional Chief PLTCOL Mardi Hortillosa nga duha ka hugna sa X-ray screening machines ang maagian sa tanang dala nga maleta samtang susihon usab ang mga metal nga gamit sa kada pasahero sa dili pa makasakay sa eroplano.
Pinaagi niini, maseguro sa mga otoridad nga walay makasulod nga mga gidili nga makadala og peligro sulod sa eroplano.
Apan, gitin-aw sa opisyal nga dili na gikinahanglan ang paghobo sa sapatos samtang magpabilin nga mabinantayon ang buhatan alang sa kaluwasan sa tanang biyahero.
