Gisuportahan ni Rear Admiral Roy Vincent Trinidad, tigpamaba sa Philippine Navy alang sa West Philippine Sea, ang posisyon sa gobyerno sa pagkondenar sa giingong dili angay nga mga pahayag ni Jing Quan, ang embahador sa China sa Pilipinas.
Matod ni Trinidad, padayon nga nagmugna ang China sa mga naratibo aron palig-onon ang ilang mga pag-angkon sa West Philippine Sea ug sa ubang mga lugar nga adunay panaglalis sa teritoryo.
Gibutyag sa opisyal nga ang Armed Forces of the Philippines magpadayon sa pagtuman sa mandato sa pagpanalipod sa nasudnong teritoryo ug maritime domain bisan pa sa mga pahayag gikan sa Beijing.
Gipasabot usab niini nga wala magkinahanglan ang Pilipinas sa pagtugot gikan sa bisan unsang langyaw nga gahom ang Pilipinas aron mapadayon ang mga rotational and resupply missions, maritime patrols ug surveillance flights sulod sa kaugalingong-nasudnong katubigan ug hurisdiksyon.
Dugang pa niiini, nga ang AFP magpabiling mosunod sa internasyonal nga balaod ug magbarog batok sa mga giingong agresibo, pugsanon ug manlilimbong nga mga aksyon may kalabotan sa panagbangi sa West Philippine Sea.
