Gitataw sa Korte Suprema ang ilang baruganan kalabot sa pagdeklarar sa 2023-hangtud-2026 nga paggamit sa “unprogramed funds” isip “unconstitutional”.
Sa pakighinabi sa prensa, miingon si Atty Camille Sue Mae Ting, ang spokesperson sa Korte Suprema nga dili pa pinal ug ug executory ang gipakanaug nga hukom batok sa pipila ka probisyon sa 2024, 2025 ug 2026 General Appropriations Acts (GAA).
Subay sa En Banc decision, giila nila nga nakalapas sa Konstitusyon ang pipila ka pagdugang sa pondo nga gihimo sa Kongreso, lakip ang P449.5 bilyon nga unprogrammed appropriations sa 2024 GAA ug P17.99 bilyon nga dugang sa Special Road Fund sa 2025 GAA.
Samtang wala pa mahuman ang legal nga proseso, gitambagan sa Office of the Solicitor General (OSG) ang ehekutibong sangay nga ipahunong una ang paggamit sa pipila ka apektadong pondo sa 2026 budget nga naapil sa desisyon sa korte.
Matod sa Korte Suprema, ang doktrina sa operative fact, kundiin ang mga nagamit nga pondo nga maayo ang napadulngan dili na singlon apan, ipadayon nilag singil ang mga nabubuan sa pondo nga kuwestiyonabli ang tinubdan niini.
