Gibutyag ni Senador Panfilo “Ping” Lacson nga nagplano ang Senado nga pakunhoran og 2 bilyon pesos ang gisugyot niini nga badyet sa National Expenditure Program alang sa tuig sa 2027.
Matud ni Lacson, nagkasinabot na sila ni Senate President Sherwin Gatchalian nga mao usab ang Chairman of the Committe on Accounts nga pakunhoran nila og 2 bilyon pesos ang gisugyot niining badyet sa NEP aron maoy sundon usab sa House of Representatives.
Mahinumdoman nga ang gisugyot nga badyet sa Senado sa NEP alang sa umaabot nga tuig sa 2027 kay 7.2 trilyon pesos.
Mipahayag usab ang Senador nga maayo ang nahimong ruling sa Korte Suprema ug nahimo kining tukma sa panahon tungod kay nanginahanglan gayud og reporma ang gisugyot nga badyet.
Dugtong niini, gipahibalo usab ni Lacson nga naglaom ang Senado nga makakuha og dugang nga mga ideya bahin sa reporma sa badyet karong umaabot nga Lunes, diin ipahigayon niini ang pagdungog kauban ang mga miyembro sa Civil Society Organization (CSO) isip mga resource persons. (raniel mahunyag)
