Gikuwestiyon ni Prof. Anna Malindog-Uy ang panawagan nga ideklarang persona non grata ug pahawaon sa Pilipinas ang embahador sa China.
Matod niya, ang maong lakang mahimong mosangpot sa pagkaputol sa diplomatikong, politikal, ekonomikanhon ug uban pang relasyon tali sa Pilipinas ug China.
Nangutana usab siya kon kinsa gyud ang maalkanse sa maong desisyon, ilabi na kon ikonsiderar ang kalainan sa gahom ug gidak-on sa duha ka nasud.
Sumala kang Malindog-Uy, dili angay magdahom nga ang China maoy maalkanse kon putlon sa Pilipinas ang maong mga relasyon.
Busa, gipasiugda niya ang panginahanglan nga timbang-timbangon ang posibleng sangpotanan sa maong lakang, ilabi na tungod sa mas dako nga gahom sa China kon itandi sa Pilipinas.
