Patay ang pito ka tawo ug nasamdan ang 34 pa ka indibidwal human gipamusil sa mga gunman ang mga nanambong sa usa ka haya sulod sa Hamoud Church, usa ka simbahang Greek Orthodox nga nahimutang sa Karak governorate, Jordan.
Gihulagway sa mga otoridad sa Jordan ang maong insidente isip usa ka teroristang pag-atake nga gihimo sa mga ekstremista, apan wala pa matino kon adunay kalambigitan ang mga suspek sa mga nailhang militanteng grupo, ug walay grupo nga miangkon sa responsibilidad sa maong pag-atake.
Mibisita si King Abdullah II sa Karak human sa maong insidente ug mipasalig nga silotan ang mga responsable pinaagi sa “iron fist,” samtang nagpadayon ang pagpangita sa mga suspek.
Gikondena usab ni United Nations Secretary-General António Guterres ang pag-atake, nga nagpasiugda nga dili madawat ang maong pagpangatake sa mga sibilyan ug mga dapit sa pagsimba, ilabi na atol sa usa ka haya. (raniel mahunyag)
