Gipamugos ni Presiding Officer Francis ‘Chiz’ Escudero nga wala gidali sa mga senator-judges ang impeachment trial ni Vice President Sara Duterte, ilabi na nga tulo na ka semana nga walay silay gipahigayong pagdungog bahin niini.
Gipadayag kini sa Senador sunod sa iyang pag-angkon nga posibleng gidali sa kampo sa prosekusyon ang impeachment trial sa Bise Presidente.
Matud ni Escudero, posibleng mahuman ang trial karong tuig lamang tungod sa pagbawi sa pipila ka articles of impeachment sa kampo sa prosekusyon batok sa Bise Presidente.
Sa laing bahin, miingon usab ang Presiding Officer nga mag-agad gihapon ang pagkahuman sa impeachment trial kung pila ka testigo ug kung kinsa ang testigo nga i-presenta sa kampo sa depensa sa Bise Presidente. (raniel mahunyag)
