Gihangyo ni kanhing Mayor Oscar Moreno ang mga lokal nga kagamhanan, partikular na ang dakbayan sa Cagayan de Oro, nga sundon ug subayon gyud ang hustong standards sa budget process.
Sumala ni Moreno, usa ka dakong kasaypanan ang pagpaburot sa budget syudad nga moabot sa 9.5 billion pesos apan ang ginakolekta nga actual revenue dili gani moabot sa 6 billion pesos.
Gipasabot usab sa kanhing opisyal nga ginabuhat lang ang maong bloated budget aron madepensahan ug mapagawas ang dagkong confidential funds samtang nasakripisyo ang batakang serbisyo sa katawhan.
Tungod niini, giawhag sa abogado ang mga lider sa LGU nga magmatud-anon sa pagplano sa pondo aron dili maapektuhan ang mga proyekto sa panglawas ug panginabuhian sa publiko.
