Welcome Development! Mao kini ang paghulagway ni Ateneo de Davao University Professor Christopher Ryan Maboloc sa desisyon sa Korte Suprema nga nagdeklarang unconstitutional ang pipila ka porsyon sa 2024 hangtod 2026 national budget.
Kini matud pa nagsilbing dakong giya ug pahimatngon batok sa gihimong dili makatarunganong pagbag-o ug pagdugang sa pondo sa Kongreso nga walay saktong basihan.
Giingon ni Maboloc nga ang matag piso nga mapunta sa interes sa pipila ka politiko maoy nag-unang hinungdan sa kakulang sa mga classrooms, hospital beds, ug uban pang batakang serbisyo para sa katawhan.
Tungod niini, naglaum ang akademiko nga ang maong ruling sa Korte Suprema maghatag na og maayong direksyon aron mapanalipdan ang kaban sa nasud sa mga mosunod nga tuig
