Gipahugtan na sa City Disaster Risk Reduction and Management Department kon CDRRMD ang contingency plan sa dakbayan batok sa posibleng epekto sa super El Niño.
Sumala ni CDRRMD Head Nick Jabagat, gitutokan sa buhatan ug sa pamunoan ni Mayor Rolando Klarex Uy ang paghatag og sayong tabang alang sa mga mag-uuma nga nagsugod na og kaapektuhan sa hulaw.
Nag-andam usab ang CDRRMD og mga kagamitan ug pag-ugmad og mga tuburan alang sa irigasyon aron masalbar ang mga pananum.
Gawas sa agrikultura, gilakip usab sa maong plano ang pangandam sa posibleng pagkunhod sa suplay sa tubig ug sa epekto sa kainit sa panglawas sa mga molupyo sa syudad
