Gihagit sa usa ka legal ug development expert ang kagamhanan nga ipresentar ang klarong prayoridad sa pondo sa nasud human gideklarang unconstitutional ang General Appropriations Act sa milabay nga mga tuig.
Subay sa gipagawas nga pagtuki ni Atty. Samson So Tan sa Liceo de Cagayan University College of Law, kinahanglang ipasabot sa pangulo sa nasud kon asa padulong ang iyang mga gipasalig nga batakang serbisyo sama sa barato nga bugas.
Gipasabot sa abogado nga sa pagkakaron, nagpadayon ang pagtaas sa bayronon sa utang sa nasud nga nagdala ug nagpadaghan sa mga tawo nga nagutman ug nag-antos sa kalisod.
Tungod niini, giawhag sa opisyal ang kagamhanan nga ihunong ang pag-abuso sa pondo aron hatagan og tinuod nga kaluoy ug tabang ang mga kabus.
