Sa talagsaong higayon, gipa-ambit ni Communications Undersecretary ug Palace Press Officer Claire Castro ang iyang nabati nga kainit gikan sa mga Cagay-anon nga misugat ug misuporta sa iyang paglibut-suroy dinhi sa syudad.
Sa personal nga pagbisita sa BOMBO RADYO, gipasigarbo ni Castro ang iyang nabati nga kalipay.
Mipasalamat si Castro sa mainiton nga pagdawat sa mga residente ug siya miingon nga dili na bag-o alang kaniya ang Cagayan de Oro tungod kay naka-anhi na kini, niadto sa panahon sa usa ka trial activity.
Gidayeg usab niya ang pagka “hospitable”, pagkamalumo, ug maabiabihon nga kinaiya sa mga Cagayanon nga iyang nasinati sa maong pagbisita.
Giila sa opisyal nga wala niya paabota ang hilabihan kainiton sa pag-abiabi nga iyang nadawat gikan sa lokal nga komunidad.
