Gihan-ay na sa City Environment and Natural Resources Office ang nakalinyang koordinasyon sa tanang pampubliko ug pribadong sementeryo sa dakbayan alang sa schedule sa pagpangolekta sa basura sa gabii.
Gibutyag ni CLENRO Manager Engr. Bing Mabilen nga striktong gidili ang overnight o pagpabilin sa mga minteryo human giset ang oras sa pagbisita gikan alas-6:00 sa buntag hangtod lang alas-10:00 sa gabii.
Gipasabot sa opisyal nga ang pag-set sa maong schedule gihimo aron dili makasugat sa dako nga volume sa mga tawo ug sakyanan sa adlawan ang mga truck sa basura.
Gumikan niini, gihangyo ang publiko nga motahod sa gitakdang cut-off time ug mubiya sa minteryo sa dili pa ang alas-10:00 sa gabii aron mahatagag luna ang management ug ang CLENRO sa pagpanilhig ug paghipos sa mga basura.
