Gisaway ni Masa Sara Duterte Alliance National Convenor for Education Joey Pelaez ang baliktad nga pamaagi sa pagpagawas sa pondo sa gobyerno kon diin giuna ang Unprogrammed Funds kaysa sa Programmed Appropriations.
Gipasabot ni Pelaez nga giisip niya ang maong pondo nga usa sa mga pinaka-corrupt nga budget tungod kay nabiyaan ang mga importanteng foreign-assisted projects ug obligasyon sa nasud.
Dugtong pa sa opisyal, ang mga Unprogrammed Funds ug lump-sum appropriations angay untang katapusang prayoridad apan mao pa ang unang gigastuhan sa gobyerno.
Tungod niini, nanawagan ang lider sa publiko nga panubagon ang mga mambabalaod ug opisyal nga nagpalusot sa maong pamaagi nga nagdaot sa ekonomiya.
