Gipadayag sa Philippine National Police–Highway Patrol Group (PNP-HPG) ang ilang kaandam kung adunay insidenteng mahitabo sa mga nag-unang kadalanan.
Matud ni PNP-HPG Director PBGen. Joyce Patrick Sangalang, nakipagkoordinar ang PNP-HPG ngadto sa mga local government units aron motabang sa mga gabiyahe sa nagkalain-laing dapit karong panahon sa kalag-kalag.
Dugang pa ni Sangalang, duna na usab nakaandam nga mga tow trucks nga gikan sa mga ahensya sa kagamhanan kon ugaling dunay matalang motorista nga nadaotan sa nag-unang kadalanan.
Gihingusgan usab sa director nga ila kining hingpit nga gipatuman, ilabi na sa mga expressways kung diin walay laing diversionary roads aron malikayan ang pagkabukog sa mga kadalanan. (raniel mahunyag)
