Gipasalig sa National Capital Region Police Office (NCRPO) nga igo ra ang ihap sa ilang mga kapulisan sa panahon sa kalag-kalag.
Matud ni NCRPO chief PBGeneral Christopher Abrahano, igo ang ihap sa ilang mga kapulisan nga molibot sa mga sementeryo karong kalag-kalag, diin duna silay 6,000 ka gipakatap ng mga kapulisan.
Gipatin-aw usab sa hepe nga dili niini maapektuhan ang adlaw-adlaw nga pagpatrolya sa mga pulisya batok sa krimen sa ubang bahin sa komunidad.
Dugtong niini, gipasalig ni Abrahano nga magpadayon gihapon ang ilang mga operasyon batok sa kirminalidad, busa wala siyay nakitang mahimong problema sa mga krimen tungod kay nakatutok gihapon ang kapulisan sa pagbantay sa mga komunidad. (raniel mahunyag)
