Lea Salonga, dili prayoridad ang bag-ong relasyon

Gipahayag sa bantugang mang-aawit ug aktres sa Broadway nga si Lea Salonga nga dili pa niya prayoridad karon ang pagpangita og bag-ong kapikas human sa iyang panagbulag sa bana nga si Robert Chien.

Gipasiugda niya ang kamahinungdanon sa personal nga kalipay ug pagtubo, lakip na ang pagpalambo sa kaugalingong kinabuhi imbes nga magdali sa pagpangita og bag-ong relasyon.

Matud ni Salonga, mas gipunting niya karon ang iyang pagtagad sa iyang karera, pamilya ug mga higala.

Bisan bukas siya sa posibilidad nga makakaplag og bag-ong gugma, apan wala niya kini giisip nga kinahanglanon aron mahimong malipayon ug kontento sa kinabuhi. (raniel mahunyag)