Nasamdan ang lima ka batan-ong lalaki human sila kalit nga gipareglahan sa wala pa maila nga mga suspek, samtang mitambong sa Halloween party sa Chandler’s Ford sa Hampshire, Britanya.
Mitubag dayon ang Hampshire Police sa report sa insidente nga nadawat alas 10:30 sa gabii sa usa ka balay nga nahimutang sa Park Road.
Gidala sa ospital ang mga biktima nga gilangkuban sa tulo ka 16 anyos ug duha ka 17 anyos tungod sa grabeng samad nga ilang naangkon.
Gisugdan sa kapolisan ang usa ka pormal nga imbestigasyon aron masayran ang motibo ug mga kahimtang nga misangpot sa pagpanaksak.
Gisusi usab sa mga otoridad ang posibleng mga saksi ug ebidensiya gikan sa lugar aron matino ang responsable sa maong krimen.
