Siyam ka tawo ang patay sa nahagsa nga Learjet 60 sa residensyal nga komunidad duol sa Cresthaven, Florida.
Gikompirma ni U.S. Transportation Secretary Sean Duffy nga ang eroplano mibiya gikan sa Austin, Texas ug paingon unta sa Bahamas sa dihang nahitabo ang makalilisang nga aksidente.
Nakapanawag pa ang piloto pipila ka minuto sa wala pa ang trahedya ug misugilon nga adunay yelo nga nagtigom sa eroplano ug nakasinati kini’g kasarangang turbulence samtang naglupad.
Mideklarar ang piloto sa emergency landing, sa wala madugay, apan sa pagkunsad sa eroplano sa gitas-ong 8.2 kilometro sulod lamang sa usa ka minuto, paspas kini mitabogsok sa yuta.
Gisugdan sa Federal Aviation Administration ug National Transportation Safety Board ang imbestigasyon samtang nagpadayon ang pagsusi kon adunay mga tawo sa yuta nga naangin sa insidente.
