Gipaslak na sa prisohan ang mukabat sa 779 ka indibidwal atol sa pinakabag-ong hugna sa mga protesta sa Pransiya.
Mitambong ang gibana-banang 320,000 ka demonstrador sa nagkalain-laing bahin sa nasod, samtang mokabat sa 70,000 ang ang nagprotesta sa Paris hangtod alas 5 sa hapon.
Mitungha ang tensyon sa pipila ka siyudad sa dihang gipang-abog ang mga nagprotesta bisan pa man nga malinawon ang kadaghanan sa mga martsa.
Subay sa report, adunay mibusika ang improvized explosive duol sa Porte de Charenton sa Paris ug misamad sa daghang mga demonstrador, lakip na ang kapulisan nga nagbantay sa rally.
Gibuksan sa Paris prosecutor’s office ang imbestigasyon sa posibleng kaso sa gisuspetsahang pagsulay sa pagpatay nga may kalabotan sa maong insidente.
