.jpg "Malacañang, gipasalig nga magpabiling walay kausaban sa presyo sa 190 ka produkto hangtud Disyembre 31")
Gipasalig sa Malacañang nga magpabiling walay kausaban ang presyo sa 190 ka produkto nga sakop sa Suggested Retail Price (SRP) monitoring sa Department of Trade and Industry (DTI) hangtud sa Disyembre 31, 2026.
Matud Presidential Communications Office Undersecretary Claire Castro, gipahibalo ni DTI Secretary Cristina Roque atol sa ilang pakighinabi nga magpabiling stable o walay kausaban sa presyo sa maong 190 ka mga produkto.
Giawhag ni Castro ang mga konsumidor mahimong wais sa pagpamalit ug susihon ang opisyal nga SRP bulletin aron mailhan ang mga produkto nga sakop sa maong pasalig.
Dugtong niini, magpadayon ang DTI ug Department of Agriculture (DA) sa hiniusang pagmonitor sa mga presyo sa mga batakang palaliton sa mga pampublikong merkado aron masiguro ang makatarunganong presyo ug igo nga suplay niini. (raniel mahunyag)
.jpg&description=Malaca%C3%B1ang%2C+gipasalig+nga+magpabiling+walay+kausaban+sa+presyo+sa+190+ka+produkto+hangtud+Disyembre+31){kind=link}