Hugot nga gipanghimakak sa hepe sa Public Information Office sa Philippine National Police (PNP) nga si PCol. Allen Rae Co ang mikaylap nga mga taho sa social media nga nagpagawas ang PNP og “shoot-to-kill” order batok kang Senador Ronald “Bato” dela Rosa.
Matud ni Co, walay gipagawas nga shoot to kill order ang PNP batok kang Senador dela Rosa nga sukwahi sa fake news nga nikaylap sa social media.
Gipasiugda usab sa hepe nga ang tanan nilang mga lakang sa pagpatuman sa warrant of arrest batok kang dela Rosa kay gisubay sa saktong proseso sa balaod.
Dugtong niini, giawhag usab sa hepe ang publiko nga tuohan lamang ang mga impormasyon nga gikan sa napamatud-an ug opisyal nga mga tinubdan. (raniel mahunyag)
