Gipasiugda ni Palace Press Officer ug Presidential Communications Office Undersecretary Claire Castro nga dili tugotan ni Presidente Ferdinand Marcos Jr ang bisan unsang budget amendments nga walay igong dokumento, tin-aw nga deskripsyon ug kongkretong proyekto nga gamitan.
Matud ni Castro, gimando sa Presidente nga ang pondo sa nasud kay dili angay nga maabusaran ug dili usab angay nga mapadulong sa bulsa sa pipila lamang kay alang kini sa katawhan.
Dugang pa ni Castro, abli ang presidente sa pagpaminaw sa mga nakit-ang problema ug sugyot sa mga grupong gasubaybay sa nasudnong badyet alang sa tuig sa 2027. (raniel mahunyag)
