Gibutyag ni House Prosecutor ug Bicol Saro Partylist Representative Terry Ridon nga gisupak sa kampo sa depensa ni Vice President Sara Duterte ang tanang ebidensya nga gisumite sa prosekusyon sa impeachment court.
Matud ni Ridon, gisupak ug gipanghimakak sa kampo sa depensa ang tanang mga ebidensya nga gisumite sa prosekusyon, lakip na niini ang SALN, bank records, insurance douments, BIR records ug AMLC documents.
Dugang pa ni Ridon, gitugyan na lamang nila nag maong hisgutanan sa senate impeachment court nga maoy maghukom sa maong pagsupak ug mga ebidensya.
Dugtong niini, mipadayag usab si Ridon sa iyang panglantaw nga dili uyonan sa senate impeachment court ang pagsupak sa depensa tungod kay og uyonan kini kay wala nay ebidensya nga magamit sa impeachment trial sa Bise Presidente. (raniel mahunyag)
