Giaghat ni Palace Press Officer ug Presidential Communications Office Undersecretary Claire Castro ang mga grupong gabantay sa nasudnong badyet nga isumiter ang ilang mga report sa gisugyot nga 2027 national budget ngadto sa Presidential Coomunications Office.
Matud ni Castro, kung duna silay kopya sa ilang nakita ug namatikdang red flags sa mga sugyot kay kinahanglan nila kining ipahibalo ug mohatag og kopya sa ilang nakaplagan ngadto sa PCO.
Dugang pa ni Castro, gikinahanglan usab kini sa Presidente tungod kay gatuo kini nga ang pondo kay dili angay nga masayang ug maabuso.
Dugtong niini, gihatagan usab og gibug-aton ni Castro ang kamahinungdanon sa budget watchdogs ngadto sa kagamhanan, diin kinahanglan nga madungog ang ilang mga nakaplagan og suhestiyon mahitungod sa sugyot nga nasudnong badyet alang sa tuig sa 2027. (raniel mahunyag)
