Gipamugos ni House Lead Prosecutor ug Batangas 2nd District Representative Gerville Luistro nga ang tanang ebidensya nga gasuporta sa unexplained wealth charge batok kang Vice President Sara Duterte kay nagagikan mismo kaniya, sa iyang bana, ug sa mga kompanyang iyang gikalambigitan.
Mao kini ang tubag ni Luistro sa pagsupak sa kampo sa depensa sa Bise Presidente sa tanang mga ebidensya nga gipresentar sa prosekusyon.
Matud ni Luistro, ang mga ebidensya nga ilang gipresenta aron suportahan ang unexplained wealth charge batok sa Bise Presidente kay nagagikan sa respondent mismo, lakip niini ang financial statement, tax returns, bank reports, gun registrations, ug property records.
Gipanghingusgan usab sa kongresista nga dili matawag nga fishing expedition ang pagkuha sa maong nakaplagan ebidensya kay nakuha ang maong mga dokumento gamit ang legal nga otoridad sa impeachment court pinaagi sa subpoena duces tecum. (raniel mahunyag)
