Gipadayag ni Presidential Communications Office (PCO) Undersecretary Claire Castro nga dili pugngan sa kagamhanan ang mga kabatan-onang Pilipino nga nangandoy nga magtrabaho sa ubang nasud.
Matud ni Castro, mao kini ang hinungdan kung ngano dunay upskilling ug reskilling nga programa ang kagamhanan, diin nagtumong kini nga mahimong globally competitive ang mga kabatan-onan sa nasud.
Gipasalig usab ni Castro nga magpadayon gihapon ang maong programa aron mapalambo ang katakus sa mga mamumuo ug mamahimo silang takus sa pagtrabaho sa gawas sa nasud.
Dugtong niini, gibutyag ni Castro nga gipakusgan na usab sa kagamhanan ang skills development ug ang pagdani sa mga mamumuhunan nga magmugna og daghang trabaho nga mohaum sa kahanas sa mga Pilipino dinhi sa nasud. (raniel mahunyag)
