Maglipay na ang mga opisyal ug empleyado sa kagamhanan sa dakbayan sa Cagayan de Oro human nagpagawas na og opisyal nga kamandoan si Mayor Rolando “Klarex” Uy sa Local Finance Committee aron paspasan ang pagproseso sa ilang mga bonus.
Subay sa gi-isyu nga memorandum order sa mayor, sugdan na sa mga payroll officers ug department heads ang pag-asikaso sa Year-End Bonus nga balor sa usa ka bulan nga suholan ug ang Singko Mil Pesos nga Cash Gift sa matag qualified nga empleyado.
Gilauman nga madawat na sa tanang empleyado sa City Hall ang maong mga insentibo sa dili pa matapos ang kasamtangang bulan sa Nobyembre.
