Nanawagan karon ang grupo sa mga domestic workers nga i-amend o bag-ohon ang sobra napulo ka tuig nga Batas Kasambahay tungod sa kaminos sa pagpatuman niini ug sa mga probisyon nga dili na haom sa kasamtangang panahon.
Gibutyag ni Himaya Montenegro sa United Domestic Workers Philippines ug Pinay Careworkers Transnational sa iyang interbyu sa Bombo Radyo, nga giduso nila ubos sa House Bill 11764 ang pag-apil sa proteksyon alang sa mga platform workers, caretakers, ug mga kasambahay o katabang nga adunay multiple employers.
Dugang pa ni Montenegro, sagad sa mga barangay ang nagreklamo sa kakulang sa pondo busa kinahanglang obligahon sa estado ang paggahin og igong budget aron masiguro ang hapsay nga pagpatuman sa maong balaod.
