Gipondohan na sa barangay Lapasan ang mga pagpangandam batok sa hulga sa Super El Niño pinaagi sa gihangyo nga Annual Investment Plan sa barangay.
Namahayag si Kapitan Julito Ogsimer nga kabahin sa dakong tahas sa barangay ang pag-gahin og pondo alang sa pag-atiman sa mga residente nga maigo sa ting-hulaw.
Gipasidaan sa kapitan nga kinahanglang andam kanunay ang barangay aron makatubag dayon sa mga kinahanglanon ug problema sa gisakupan niini.
Busa gi-insistir ni punong barangay Ogsimer nga kinahanglang magpadayon ang paghatag og direktang serbisyo aron mabuhat sa pamunoan ang responsibilidad niini sa komunidad.
