Gipadayag ni Atty. Neri Colmenares nga maglisud sa pagkombinsi ang mga ipresentang testigo sa depensa tungod kay nagsilbi lamang sila isip mga secondary witness.
Matud ni Colmenares, dako kining hagit sa depensa tungod kay makonsidera nga kulang sa direktang kalambigitan ang maong mga saksi sa mga alegasyon sa Article 2 bahin sa unexplained wealth nga mikabat sa 800 milyon pesos hangtud sa 1.5 bilyon pesos.
Mahinumdoman nga una nang niatras ang isa sa sobra ka 20 nga gisumiteng testigo sa kampo nga si Dean Ralph Sarmiento.
Gisugyot sa human rights lawyer nga mas maayong si Vice President Sara Duterte mismo ang moatubang sa pagdungog aron direkta niining mahatagan og katin-awan ang publiko ug hukmanan, inay nga mosalig sa mga secondary witness lamang.
Gipatin-aw ni Colmenares nga kasagarang ang usa ka indibidwal nga nagpabilin sa baruganang inosente ang boluntaryong motestigo tungod kay gusto niining personal nga makombinsi ang korte pinaagi sa direktang paghatag og katin-awan sa mga pasangil batok kaniya.
Bisan pa niana, giila usab ni Colmenares ang mga kaubang risgo sa pag-atubang ni Duterte, ilabi na kung dunay pangutana nga maglisud kini sa pagtubag o pagpasabot sa mga pamatuod bahin sa giatubang niining mga isyu sa salapi. (raniel mahunyag)
.jpg "Malacañang, nagpahigayon sa mga programa sa pagpalambo sa kahanas ug pagpalapad sa oportunidad sa trabaho")
