Gikuwestiyon ni Senator-Judge Raffy Tulfo ang kanunay nga pagbiyahe ngadto sa gawas sa nasud sa Davao City Assessor nga si Engr. Jaime Adalin ug gipangutana niini ang iyang pamaagi sa pagsustento sa mga biyahe taliwala sa iyang binulan nga sweldo.
Sa pagpadayon sa impeachment trial ni Vice President Sara Duterte, gipangutana ni Tulfo si Adalin bahin sa iyang mga biyahe sa China, lakip na niini ang pag-adto niya niadtong Nobyembre 12, 2018.
Gipadayag sa Assessor nga wala siyay record sa maong biyahe, apn gikumpirma niya nga niadto siya sa China niadtong Enero 25, 2026.
Matud ni Tulfo, duha lamang ka adlaw sa China si Adalin sa maong biyahe.
Dugtong niini, gibutyag usab ni Tulfo ang uban pang mga nasud nga naadtoan ni Adalin, lakip na niini ang Hong Kong, Thailand, ug Australia. (raniel mahunyag)
