Gisita ni Senator-Judge Erwin Tulfo si Davao City Assessor Engr. Jaime Adalin ug gipahinumdoman sa posibleng sangpotan sa pagpamakak ubos sa pagpanumpa human nahimong dili klaro ang iyang mga tubag bahin sa giingong biyahe ngadto sa China niadtong Nobyembre 2025.
Sa dihang gipangutana ni Private Prosecutor Atty. Benjamin Tolosa Jr. kung lakip ba si Adalin sa mga opisyal sa lokal nga kagamhanan sa Davao nga nakauban sa usa ka all-expenses-paid trip sa China nga gi-isponsor matud pa sa Chinese Consulate, mipahayag ang assessor ngs walay kalabotan sa pagdungog ang maong pangutana ug dili matud pa kini niya madumdoman.
Gipamugos usab ni Tolosa nga bahin sa iyang katungod sa cross-examination ang mangutana og maayo aron masusi ang kredibilidad sa saksi.
Tungod niini, gipahinumdoman siya ni Tulfo nga seryosohon ang iyang testimonya tungod kay anaa siya ilalom sa pagpanumpa isip saksi ug mamahimo siyang manubag kung mamakak kini.
Matud ni Tulfo, gihimo lamang nilang kengkoy ang ilang testimonya.
Mahinumdoman nga si Adalin ang gipresenta sa kampo sa depensa isip unang testigo sa impeachment trial batok kang Vice President Sara Duterte ug lakip sa gipangutana sa iyaha kay ang ang pagkatudlo niini isip Davao City Assessor niadtong tuig sa 2017, diin si VP Sara na ang alkalde sa maong dakbayan. (raniel mahunyag)
