Nangandam karon ang Roads and Traffic Administration sa pagpahigayon og regular nga clearing operation batok sa mga motorela nga nag-obstruction ug nagdugang sa kahuot sa trapiko sa syudad.
Gidugang sa Department Head nga si Benedicto “Doy” Ramiro nga nag-deploy na sila og mga enforcer sa mga dalan nga kanunay nga gi-reklamo sa mga komyuter tungod sa pag-okupar sa pikas lane.
Nagpasidaan ang hepe sa buhatan nga dili na angay pasagdan sa mga nakalapas ang ilang nadawat nga citation ticket tungod kay ang uban niini na-sumbitar na sa Hall of Justice ug aduna nay nakatala nga kaso sa korte.
Pinasikad niini, girekomendar sa pamunuan nga bayran dayon ang mga multa ug likayan ang pag-ali sa karsada aron dili mag-atubang og mas bug-at nga silot sa balaod.
